Një modele e OnlyFans, e njohur me emrin Carrie Royall pretendon se ka në posedim foto që mund të “djegin” Princin Harry të Britanisë.
Sipas “The Sun”, ajo ka pohuar se ka foto të zhveshura të Princit Harry të bëra në një festë në Las Vegas dhe po e kërcënon t’i publikojë ato në seksionin premium të llogarisë së saj në OnlyFans.
Carrie Royalle pretendon se ajo u takua me Dukën e Sussex në vitin 2012, kur ai ishte një 27-vjeçar i pamartuar, ndërsa shton se ata u puthën pasi u ftuan në një suitë në hotelin me pesë yje Wynn në Sin City.
“Kam disa fotografi të bukura të tij” tha ajo për The Sun. “Këto fotografi nuk janë parë kurrë nga publiku. Unë kam foto para natës buzë pishinës dhe foto të Harry-t. Njerëzit do të tronditen prej tyre.”
Kur u pyet se pse mund t’i zbulonte ato, ajo tha se ngurrimi i saj për t’i ndarë ato në të kaluarën ishte për “respekt”, por tha se tani nuk ka rëndësi.
“Jam pak e zemëruar që jam përmendur në librin e tij. Dua të them… wow. Ai i humbi shumë gjëra nga ajo natë”, ka deklaruar ajo.
Në librin e tij, Harry përshkroi sesi grupi i tij kishte ftuar katër ose pesë gra që punonin në hotel për t’u bashkuar me ta, së bashku me dy gra që i kishin takuar në tavolinat e barit, përpara se të shkrepeshin fotot e zhveshura.
Sidoqoftë, OnlyFans ka zbuluar se çdo ndarje e imazheve në platformën e tyre do të kërkonte që Royale të merrte fillimisht pëlqimin e Dukës. Një zëdhënës i kompanisë tha për Mirror se: “OnlyFans është krijuar në mënyrë unike për të parandaluar ndarjen e imazheve intime aty ku nuk është dhënë pëlqimi.
“Krijuesit duhet të kenë pëlqimin, moshën dhe detajet e identitetit të çdo pale të tretë të paraqitur në përmbajtje të qartë që ata zgjedhin të ndajnë në OnlyFans. Ne këmbëngulim në formularët e nënshkruar të lëshimit/verifikimin e identitetit të krijuesit për të gjitha përmbajtjet eksplicite që shfaqin palë të treta përpara se përmbajtja të mund të postohet në platformë”, tha ai.
